Þá er loksins komið að því

Mikið svakalega er mig farið að hlakka til kvöldsins er ég fer á tónleikana með Jethro Tull. Ég hef ekki enn fyrirgefið mér það að hafa ekki farið uppá Akranes um árið þegar Ian og félagar spiluðu þar.

Ég sá Ian Anderson í fyrra þegar hann kom hingað einn síns liðs. Það var magnað. Kallinn er bara göldróttur.

Í kvöld gefst mér svo kostur að sjá hann í góðu návígi þar sem tónleikarnir fara fram í Háskólabíói. Ég hef heyrt að þetta verða accustic tónleikar.

Ein af mínum uppáhalds plötum er einmitt accustic tónleikaplata þeirra félaga A little light music sem kom út 14 september 1992.

Eitt flottasta lagið á plötunni er lagið Too old to rock´n´roll and too young too die. Það er er fyrst og fremst útsetningin á þessu lagi sem heillar mig. Þessi upptaka var tekin upp 16 maí 1992 í Ankara.

Það eru einhverjir miðar eftir á tónleikana í kvöld. Ég hvet ykkur til að mæta

Sjáumst í Háskólabíói í kvöld

Vel gert

Þetta er flott hjá Brynjari Birni. Þetta er ekkert nema viðurkenning á þeim góðu hlutum sem hann hefur verið að gera hjá Reading.

Alltaf gaman að sjá þegar KR-ingar semja

Brynjar Björn framlengdi við Reading

Ótrúlega góður sigur

Alveg er það frábært að sjá Liverpool á toppnum í deildinni.

Ekki skemmir það fyrir að Chelsea hafi tapað í dag fyrir Aston Villa. Chelsea hefur ekki sigrað á Villa Park á þessari öld !!!

Rafa Benitez er alveg að gera frábæra hluti með þetta lið. Leikmennirnir sem hann hefur fengið til liðsins hafa smollið inn eins og hlutur af stóru púsluspili.

Nú er bara að halda þessu

Liverpool á toppnum í fyrsta sinn í fimm ár

Umgjörð heimaleikja í Landsbankadeild

Ég er nokkurnveginn í sárum eftir leik FH og KR í kvöld. Þetta er alveg gjörsamlega til að gera mann brjálaðan gengi KR í sumar. 

Það eru þó 3 leikir eftir og þar af 2 heima og nú verða menn að standa saman til að ná þessu markmiði - að halda sæti sínu í deildinni.

Það er annað sem fer enn meira í taugarnar á mér eftir kvöldið. Það er umgjörð FH á heimaleikjum og þá helst aðstaðan fyrir blaðamenn.

Ég hef nú verið vallarþulur á KR vellinum í ein 17 ár nú í sumar. Þar er alltaf hugsað um að fjölmiðlamenn og konur fái topp aðstöðu. Hjá KR er það þannig að leikskýrslan er tilbúin 40 mínútum fyrir leik. Það eru alltaf veitingar fyrir fjölmiðlamenn í blaðamannastúkunni og svo fyrir sjónvarpsmenn sem eru ekki í blaðamannastúkunni. Þetta er allt saman tilbúið klukkutíma fyrir leik.

Í kvöld var ég að lýsa leik FH og KR í útvarpi KR FM 98,3. Ég var kominn klukkan 17:10 og allt klárt. Það var ekkert komið af veitingum. Tuttugu mínútum fyrir leik var ekkert komið hvorki kaffi, vatn né leiksskýrslan. 

Þrjár mínútur í leik kom loks skýrslan. Það bólaði hinsvegar ekkert á kaffinu sem maður hélt að kæmi.

Ég fékk svo ekki kaffi fyrr en heim var komið. Það var sem sagt ekkert kaffi á boðstólnum fyrir fjölmiðlamenn á leiknum !!!!

Nú er ég farinn að skilja Henry Birgi Gunnarsson þegar hann er að tala um aðstæður hjá félögunum. 

Þetta er til skammar. Íslandsmeistarar til margra ára hafa aðbúnaðinn ekki í lagi.

Nú er ég loksins farinn að skilja hversvegna allir fjölmiðlamenn mæta alltaf á alla KR leiki. 

Hvar var stuðið - Stuðmenn?

Þá er þessi helgi að baki. Ég fór í bæinn á menningarnótt og það var gaman.

Ég hafði ekki tök á því að fara á tónleikana á föstudaginn hjá Kaupþingi á Laugardalsvelli. 

Ég sá hluta af þeim í sjónvarpinu. Þar voru nokkrir listamenn sem stóðu uppúr. Þar ber helst að telja Bubba og Garðar Thor Cortes.

Hvar var stuðið - Stuðmenn? 

Þetta var það lélegasta sem ég hef séð frá þeim. Alltaf eru þeir með einhvern svona aulahúmor á stórum tónleikum.

Hver man ekki eftir hinu glataða þegar þeir sendu staðgengla á svið í fyrsta laginu á 200 ára afmæli Reykjavíkurborgar árið 1986.

 

Lög á heilann

Það gerist órtúlega oft hjá okkur öllum að við fáum lög á heilann. Ég náði mér í plötuna Make some noise: The campaign to save Darfur. Þarna koma fram allir helstu baráttu menn samtímans fyrir bættum heimi. 

Fyrst ber að telja U2, R.E.M, Jackson Browne, Green day og Youssu N´dour.

Á þessari plötu syngja menn efni eftir meistara John Lennon. Þessi plata er alveg frábær í alla staði. Það hefði mátt bæta við nokkrum lögum í stað þeirra laga sem koma 2-3 sinnum á plötunni eins og Instant Karma, Imagine  og Gimmie some truth. 

Það lag sem ég er með á heilanum núna er einmitt Instant Karma í flutningi U2.

Þessi texti og þetta lag er frábært og fær mann til að hugsa um allt það sem er í gangi í þessum heimi

Betra seint en aldrei

Mikið er manni nú létt. Þetta er svo langþráður sigur að það hálfa væri nóg. Nú er ég sannfærður um að KR falli ekki - sem betur fer.

Það eru skv. skoðanakönnun um 22 þúsund KR-ingar á Íslandi. Það gerir að 278 þúsund Íslendingar sem vilja að KR falli í ár .

Áfram KR !! 

KR landaði sigri - toppliðin náðu aðeins stigi á heimavelli

Svakalegt tuð alltaf hreint

Mikið svakalega hefur mér leiðst þessi umræða um 365 miðla í dag eftir þessa leiki í enska boltanum. Menn eru tilbúnir að rakka þetta allt saman niður. Léleg gæði, leikir með enskum þulum og ég veit ekki hvað og hvað.

Í fyrsta lagi ætti fólk að gefa þessu smá tíma. Þetta var jú fyrsti alvöru útsendingardagurinn

Það var flott að sjá viðtal Arnars Björnssonar við Eggert Magnússon eftir leik West Ham og Pompey. 

442 þátturinn var flottur og það er bara klárt mál að 365 eru að leggja hart að sér við þessar útsendingar. 

Það er bara eitt stórveldi

Ég er búinn að fylgjast vel með gangi mála hjá mínum klúbbi KR frá því að Teiti var sagt upp störfum.

Ég er sannfærður um að ekkert lið á Íslandi myndi fá eins mikla athygli í fjölmiðlum eins og KR hefur fengið sl. sólarhring.

Það er hver miðillinn á fætur öðrum sem hefur verið að taka viðtöl við Teit Þórðarson og Loga Ólafsson nýráðinn þjálfara hjá KR.

Vinur minn Kristinn Kjærnested Formaður KR klúbbsins var í viðtali á rás 1 í morgun. Kastljósið í gær þá var Teitur þar mjög flottur og skilur sáttur við KR.

Netmiðlar í dag og útvarp allar útvarpsstöðvar fullar af KR efni. Ég er viss um ef svona KRísa kæmi upp hjá Val eða FH þá myndi umfjöllunin ekki vera eins mikil.

Það er bara eitt stórveldi - KR

Hvar voru fjölmiðlar og kvennfólk ?

Nú fyrr í dag lauk stærsta fótboltamóti sem haldið hefur verið á Íslandi hin síðari ár. Það var Evrópukeppni  kvennalandsliða skipað leikmönnum 19 ára og yngri.

Í úrslitum áttust við Þjóðverjar og Englendingar. Það er óhætt að fullyrða að þarna áttust við einar þær stærstu knattspyrnuþjóðir í heimi í dag.

Leikurinn endaði með sigri Þjóðverja 2-0 eftir framlengdan leik.

Það eru nokkrir hlutir sem mér finnast athyglisverðir.

Í fyrsta lagi er það umfjöllun fjölmiðla hér á landi á þessu móti. Það var ekki einn einasti fjölmiðilinn sem gerði þessu móti góð skil. Það var rétt minnst á þetta í fréttum RÚV svo ég gat tekið eftir. Dagblöðin létu ekki sjá sig á þessum leikjum. Netmiðillinn Fótbolti.net á hrós skilið því þeir einbeita sér jú að fótboltanum.

Einnig fannst mér þátttaka kynsystra leikmanna vanta. Það voru alls 557 árhorfendur á þessum leik í dag. Þar var kvennfólk í miklum minnihluta. Það hefur ekki vantað að kvennfólk kvarti yfir allri þeirri athygli sem karlmenn fá í fjölmiðlum á íþróttasviðinu. Þegar kvennfólk er svo í aðalhlutverki á jafn stóru móti og þetta var þá lætur kvennfólk ekki sjá sig.

Það er kannski skýring fyrir því þar sem þessi leikur var jú í beinni útsendingu á Eurosport !?!