Hvað var að hjá KR ?

Það er flott viðtal við Gunnlaug Jónsson fyrirliða KR í Morgunblaðinu í morgun. Þar er verið að reyna að komast að því hvað hafi í raun verið að hjá KR. Hann sagðist ekki benda með vísifingri á eitthvert eitt atriði. Það er vel gert hjá honum.

Hann talaði um að menn hafi ekki verið nóg grimmir á æfingum. Hafi ekki barist nóg þar og því hafi liðsandinn ekki verið nægilega sterkur. Hann vildi ekki kenna Teiti Þórðarsyni fyrrum þjálfara um þetta gengi því hann hafi gefið ungum mönnum tækifæri í liðinu. Gunnlaugur talaði líka um að mönnum hafi ekki hlakkað neitt sérstaklega til Íslandsmótsins þegar það var að fara af stað.

Þarna er maðurinn að svara vel fyrir sig og sína liðsfélaga. Þarna eru komnir punktar sem hægt verður að nota til að byggja upp nýtt lið fyrir sumarið 2008.

Þetta er fróðlegt og gott viðtal við Gulla.

Athugasemdir

[Skarfurinn, 3.10.2007 kl. 09:17]

Mín ályktun af þessu viðtali er að sennilegast er að Teitur hafi ofkeyrt leikmennina með of stífum æfingum, að æfa kl.  6 á morgnana og fara svo  beint í  fullann vinnudag og æfa svo aftur um kvöldið og spila um helgar,  er meira en hægt er að leggja á menn, þetta er með öðrum orðum helmingi meiri æfingatími en frægustu atvinnumenn heims æfa.

Stend við þessa fullyrðingu þar til mér verður bent á eitthvað sennilegra, Teitur er toppmaður en kom kannski með rangt hugarfar hingað heim ? Veit ekki hvort Logi er rétti þjálfarinn fyrir KR, mundi sjálfur vilja sjá Heimi Guðjónsson með Rúnar eða Móða sem aðstoðarmann. 

[Kjartan Pálmarsson, 3.10.2007 kl. 22:14]

Sammála þér Skarfur!

Og aftur er ég þér sammála með Pjakkana Heimi og Móða, set spurningu með Rúnar, geyma hann aðeins meðan hungrið sækir að og svo leikgleðin og þ.h.